Custu est su tìtulu de sa cunferentzia regionale pro sa limba sarda pro su 2008 chi at aparitzadu pro su 28,29 e 30 de santandria in Macumere s'Assessoradu a s'Istrutzione Pùblica de sa Regione Sardinya. Si podet isboligare e isòrvere custu marùtzulu subra sa limba sarda? Comintzare a chistionare cun realidades italianas e europeas pro cumprèndere fintzas si limba e dialetu sunt in su pensu de sa gente ebbia o categòrias iscientìficas o fintzas imbentos ideològicos pro rapresentare realidades a su chi cumbenit o totu e tres a pare. A comintzare a abbaidare canteddu prus a tesu e resùmere in pagas dies cale est su cuadru de sa limba sarda acarende problemas e resurtos in Sardinya, Itàlia e Europa?Si podet isboligare e isòrvere custu marùtzulu subra sa limba sarda? Comintzare a chistionare cun realidades italianas e europeas pro cumprèndere fintzas si limba e dialetu sunt in su pensu de sa gente ebbia o categòrias iscientìficas o fintzas imbentos ideològicos pro rapresentare realidades a su chi cumbenit o totu e tres a pare. A comintzare a abbaidare canteddu prus a tesu e resùmere in pagas dies cale est su cuadru de sa limba sarda acarende problemas e resurtos in Sardinya Itàlia e Europa? Sa cunferentzia regionale pro sa limba sarda pro s'2008 chi est ammaniende s’Assessoradu a s’Istrutzione Pùblica est a seguru de importu mannu pro chie sighit sa chistione de sa limba sarda. Unu atopu chi ant a fàghere in sas dies 28,29 e 30 de su mese de santandria in Macumere in sa carrera de Ariosto 11 “Padiglione S.Castagna” in sa sala de sas riuniones.Tres dies pro faeddare cun professore internatzionales e natzionales de sa diversidade linguìstica in Europa, de sa situatzione sotziolinguìstica in Sardigna, de sas minorias linguìsticas in Itàlia, de sas variedades traditzionales presentes in s’ìsula e de sas propostas de istandardizatzione amministrativa finas a lòmpere a sa polìtica linguìstica in Sardinya e a su traballu de s’isportellu regionale. Ma no at a mancare nemancu partetzipatzione ativa de sas pessones chi traballant in totu sa Sardigna pro sa limba sarda, cun laboratòrios temàticos chi ant a pertocare s’esperièntzia de cada operadore chi traballat in su mundu de s’iscola, de sos mèdios massivos, de sa literadura, de sos isportellos linguìsticos e de sa sinnalètica finas a tocare sa poesia e su tzìnema. Macumère duncas tzentru de importu in custas dies chi òspitat acabende su mese fintzas sa de 8 Mustras de su Libru in Sardinya.
imprentau dae http://www.sotziulimbasarda.net/index.htm
Nessun commento:
Posta un commento